எதிர்வரும் சட்டமன்ற தேர்தலை முன்னிட்டு நம் கல்லூரியில் பயிலும் மாணவ-மாணவியருக்கு வாக்களிப்பதன் அவசியம் குறித்த தேர்தல் விழிப்புணர்வு நிகழ்ச்சி 03/03/2021 அன்று நடைபெற்றது. நிகழ்விற்கு கல்லூரி முதல்வர் முனைவர் A. அப்பாஸ் மந்திரி அவர்கள் தலைமையேற்றார். இந்நிகழ்ச்சிக்கு சிவகங்கை மாவட்ட வருவாய் அலுவலர் திருமதி லதா, தேர்தல் நடத்துனர் திருமதி தனலட்சுமி, வட்டாச்சியர் திரு. ஆனந்த் ஆகியோர் வாக்களிப்பதன் அவசியம் மற்றும் வாக்களிக்கும் முறைகள் குறித்து மாணவ-மாணவியரிடம் எடுத்துரைத்தனர். கல்லூரி மாணவ-மாணவியருடன், நாட்டு நலப்பணித்திட்ட மாணவ-மாணவியரும் தேர்தல் உறுதி மொழி எடுத்துக்கொண்டனர். தேர்தலில் வாக்களிப்பதினை உறுதிப்படுத்தும் வகையில் 1200 மாணவ-மாணவியர் கலந்துகொண்ட கையெழுத்து இயக்கம் நடைபெற்றது. மின்னணு ஓட்டு பதிவு இயந்திரம் செயல்படும் விதம் குறித்தும், வாக்குப்பதிவு இயந்திரத்தில் வாக்களிக்கும் முறை குறித்தும் செயல்விளக்கம் நடைபெற்றது. நிகழ்ச்சியை நாட்டு நலப்பணித்திட்ட அலுவலர்கள் முனைவர் M. பீர் முஹம்மது, முனைவர் A. அப்ரோஸ் மற்றும் திரு. K.P.M. செய்யது யூசுப் ஆகியோர் ஏற்பாடு செய்திருந்தனர்.