நம் கல்லூரியின் நிர்வாகக் குழு பதவியேற்பு மற்றும் பாராட்டு விழா 03/01/2021 ஞாயிற்றுக்கிழமை அன்று நடைபெற்றது. கல்லூரி ஆட்சிக்குழு தலைவர் அல்ஹாஜ் A.A. முஹம்மது சுபைர் அவர்கள் இறைவசனங்களை ஓதி விழாவை தொடங்கி வைத்தார். விழாவிற்கு துகவூர் சிவ மாதவன் அவர்கள் தலைமை வகித்தார். கல்லூரி முதல்வர் முனைவர் A. அப்பாஸ் மந்திரி அவர்கள் வரவேற்புரை நிகழ்த்தினார். பின்னர் நிர்வாகக் குழுவினருக்கு கல்லூரி முதல்வர் அவர்கள் ஆசிரியர்கள் மற்றும் அலுவலர்கள் சார்பில் பொன்னாடை அணிவித்து கவுரவித்தார். தமிழ்த்துறை பேராசிரியர் முனைவர் P. இப்ராஹிம் அவர்கள் வாழ்த்துரை வழங்கினார். கல்லூரி செயலராக மீண்டும் தேர்வு செய்யப்பட்ட ஹாஜி V.M. ஜபருல்லா கான் அவர்கள் ஏற்புரை நிகழ்த்தினார். ஆட்சிக்குழு உறுப்பினர் ஜனாப் J. அபுபக்கர் சித்திக் அவர்கள் நன்றி கூறினார். கல்லூரி தலைவர், செயலர், பொருளாளர் உள்ளிட்ட 11 பேர் கொண்ட நிர்வாகக் குழுவினர் பொறுப்பேற்றுக் கொண்டனர். அனைத்து ஜமாஅத்தார்கள், முக்கிய பிரமுகர்கள் சார்பில் நிர்வாகக் குழுவினர் பொன்னாடை அணிவித்து கவுரவிக்கப்பட்டனர். இந்த விழாவில் கல்லூரியின் பொதுக்குழு உறுப்பினர்கள், இளையான்குடி வாழ் பொதுமக்கள் மற்றும் கல்லூரின் ஐக்கிய அரபு அமீரக முன்னாள் சங்க நிர்வாகி முதுவை ஹிதாயத் உள்ளிட்ட பலர் கலந்து கொண்டனர். விழா நிகழ்ச்சியினை தமிழ்த்துறை உதவிப் பேராசிரியர் திரு. K. அப்துல் ரஹீம் தொகுத்து வழங்கினார்.