கல்லூரியில் 71வது குடியரசு தின விழா கொண்டாடப்பட்டது. இளையான்குடி, சாலையூர், ஜனாப் A.M. ரஷீத் கான், B.Com., F.C.A. அவர்கள் தேசிய கொடியை ஏற்றி வைத்து தேசிய மாணவர் படை மாணவ-மாணவிகள் அளித்த அணிவகுப்பு மரியாதையை ஏற்றுக்கொண்டார். பின்னர் நடைபெற்ற நிகழ்ச்சியில் கல்லூரி முதல்வர் முனைவர் A. அப்பாஸ் மந்திரி அவர்கள் வரவேற்றார். கல்லூரி ஆட்சிக்குழு தலைவர் அல்ஹாஜ் A.A. முஹம்மது ஸுபைர் அவர்கள் தலைமை ஏற்றார். கல்லூரி செயலர் ஹாஜி V.M. ஜபருல்லாஹ் கான் வாழ்த்துரை வழங்கினார். பொருளியல் துறை, உதவிப்பேராசிரியர் முனைவர் M. மாரிமுத்து, குடியரசு தின சிறப்புரை நிகழ்த்தினார். நாட்டு நலப்பணி திட்டம் (NSS) சார்பாக தத்தெடுக்கப்பட்ட கிராமத்தில் உள்ள பள்ளி மாணவ-மாணவிகளுக்கு போட்டிகள் நடத்தப்பட்டு பரிசுகள் வழங்கப்பட்டது. கல்லூரி துணைமுதல்வர் முனைவர் A. ஜஹாங்கிர் நன்றி கூறினார். நிகழ்வினை தமிழ்த்துறை உதவிப்பேராசிரியர் திரு. K. அப்துல் ரஹீம் ஒருங்கிணைத்தார். கல்லூரி ஆட்சிக்குழு பொருளர் ஜனாப் S.A.M. அப்துல் அஹத், ஆட்சிக்குழு உறுப்பினர்கள் ஜனாப் S.A. ரஷீத் அலி, ஜனாப் J. அபூபக்கர் சித்திக், ஆசிரியர்கள், ஆசிரியரல்லா பணியாளர்கள் மற்றும் மாணவ-மாணவிகள் கலந்துகொண்டனர்.