அழகப்பா பல்கலைக்கழக இணைவு பெற்ற கல்லூரிகளுக்கு இடையேயான மேஜைப் பந்து போட்டிகள் 24/09/2019 அன்று நம் கல்லூரியில் நடைபெற்றது. ஆடவர் பிரிவில் 7 அணிகளும், பெண்கள் பிரிவில் 8 அணிகளும் உட்பட 15 கல்லூரிகளை சேர்ந்த அணிகள் பங்கேற்றன. போட்டிகளை கல்லூரி முதல்வர் முனைவர் A. அப்பாஸ் மந்திரி அவர்கள் துவக்கிவைத்து, வெற்றி பெற்ற மாணவ-மாணவிகளுக்கு பரிசுகளை வழங்கி பாராட்டினார்.

இப்போட்டியில் ஆடவர் பிரிவில் காரைக்குடி, அழகப்பா பல்கலைக்கழக உடற்கல்வியியல் கல்லூரி முதலிடமும், காரைக்குடி, அழகப்பா அரசு கலை கல்லூரி அணி இரண்டாமிடமும் பெற்றது. பெண்கள் பிரிவில் பூவந்தி, மதுரை சிவகாசி நாடார் பயனியர் மீனாட்சி கல்லூரி அணி முதலிடமும், கீழக்கரை, தாசிம் பீவி அப்துல் காதர் மகளிர் கல்லூரி அணி இரண்டாமிடமும் பெற்றது. மேலும் இப்போட்டியில் சிறப்பாக விளையாடிய மாணவ-மாணவிகள் தென்மண்டல பல்கலைக்கழக அளவிலான போட்டியில் பங்குபெற தேர்வு செய்யப்பட்டுள்ளார்கள்.

வெற்றி பெற்ற மாணவ-மாணவிகளை கல்லூரி ஆட்சிக்குழு, துணைமுதல்வர், சுயநிதி பாடப் பிரிவு இயக்குனர், பேராசிரியர்கள், ஆசிரியரல்லா பணியாளர்கள் மற்றும் மாணவ-மாணவிகள் பாராட்டினர். போட்டிகளை கல்லூரி உடற்கல்வி இயக்குனர் முனைவர் S. காளிதாசன், உடற்கல்வி ஆசிரியர்கள் திரு. K.M. காஜா நஜ்முதீன், திருமதி N. வெற்றி மற்றும் திருமதி T. ஐஸ்வர்யா ஆகியோர் ஏற்பாடு செய்திருந்தனர்.