வேதி விழா – 2018 மற்றும் பேராசிரியர் H. அப்பாஸ் அலி வேதியியல் கழக நிறைவு விழா 03/04/2018 அன்று நடைபெற்றது. துறைத் தலைவர் திரு. K.A. செய்யது அபுதாஹிர் வரவேற்றார். கல்லூரி ஆட்சிக்குழு தலைவர் அல்ஹாஜ் A.A. முஹம்மது ஸுபைர் தலைமையுரையாற்றினார். கல்லூரி ஆட்சிக்குழு உறுப்பினர் திரு. N.H. ஜப்பார் அலி மற்றும் முதல்வர் முனைவர் A. அப்பாஸ் மந்திரி ஆகியோர் வாழ்த்துரை வழங்கினர். இணைப் பேராசிரியர் திரு. S.E.A. ஜபருல்லாஹ் கான் சிறப்பு விருந்தினரை அறிமுகம் செய்தார். சிறப்பு விருந்தினர் திரு. K.T. லோகநாதன், உதவிப் பேராசிரியர், அழகப்பா செட்டியார் அரசு பொறியியல் மற்றும் தொழில்நுட்ப கல்லூரி, காரைக்குடி சிறப்புரையாற்றினார். நிகழ்வில் அழகப்பா பல்கலைக்கழகம் ஏப்ரல் – 2017 லில் நடத்திய பல்கலைக்கழக தேர்வில் வேதியியல் பாடப் பிரிவில் நான்காம் ரேங்க் பெற்ற செல்வி S. பிரியதர்ஷினி மற்றும் ஆறாம் ரேங்க் பெற்ற செல்வி S. புவனேஸ்வரி ஆகியோருக்கும், பல்கலைக்கழக தேர்வுகளில் அதிக மதிப்பெண் பெற்ற மாணவ-மாணவிகளுக்கும், 100% வருகை பதிவு பெற்ற மாணவ-மாணவிகளுக்கும் கேடயம் மற்றும் சிறப்பு பரிசுகள் வழங்கப்பட்டன. விழாவில் சுயநிதி பாடப் பிரிவு இயக்குனர் முனைவர் A. ஷபினுல்லாஹ் கான், பல்கலைக்கழக தேர்வு ஒருங்கிணைப்பாளர் முனைவர் S. சந்திரசேகரன் உள்ளிட்ட பேராசிரியர்கள் பங்குபெற்றனர். இறுதியில் உதவிப் பேராசிரியர் முனைவர் K. சுல்த்தான் செய்யது இப்ராஹிம் நன்றி கூறினார்.