நம் கல்லூரியில் 04/02/2019 அன்று ஈரநிலம் கல்வி மற்றும் அறப்பணிகள் சார்பாக “குப்பையில்லா உலகம்” என்னும் தலைப்பில் ஓவியர் தமிழரசன் அவர்கள் வரைந்த கல்லூரி மாணவர்களுக்கான தமிழ்நாடு தழுவிய விழிப்புணர்வு ஓவிய கண்காட்சி நடைபெற்றது. நம் கல்லூரி ஆட்சிமன்ற தலைவர் அல்ஹாஜ் A.A. முஹம்மது ஸுபைர் அவர்கள் கண்காட்சியை திறந்துவைத்தார். கல்லூரி துணை முதல்வர் முனைவர் A. ஜஹாங்கிர், சுயநிதி பாடப் பிரிவு இயக்குனர் முனைவர் A. ஷபினுல்லாஹ் கான் மற்றும் தமிழ்த்துறை தலைவர் முனைவர் P. இப்ராஹிம் ஆகியோர் ஓவியர் தமிழரசன் அவர்களுக்கு வாழ்த்துக்களை தெரிவித்தனர். சுற்றுச்சூழல் பாதுகாப்பு, மரம் வளர்ப்பின் முக்கியத்துவம், குப்பையில்லா உலகத்தை உருவாக்க மாணவ-மாணவியர்களின் பங்களிப்பு போன்றவற்றை வலியுறுத்திய ஓவியங்களை மாணவ-மாணவியர்கள் கண்டு பயன்பெற்றனர். நிகழ்வை தமிழ்துறையை சார்ந்த பேராசிரியர்கள் செய்திருந்தனர்.