காரைக்குடி, அழகப்பா பல்கலைக்கழக இணைவு கல்லூரிகளுக்கு இடையேயான கால்பந்து போட்டி 24/09/2018 மற்றும் 25/09/2018 ஆகிய இரண்டு நாட்கள் நம் கல்லூரி விளையாட்டு மைதானத்தில் நடைபெற்றது. இன்று (25/09/2018) நடைபெற்ற கால்பந்து போட்டியில் ஆண்கள் பிரிவில் காரைக்குடி, அழகப்பா உடற்கல்வி கல்லூரி மாணவர்கள் முதலிடம் (Winner-up) பெற்றனர், காரைக்குடி அழகப்பா கலை கல்லூரி மாணவர்கள் இரண்டாமிடம் (Runner-up) பெற்றனர். பெண்கள் பிரிவில் காரைக்குடி, அழகப்பா கலை கல்லூரி மாணவிகள் முதலிடம் (Winner-up) பெற்றனர். சிவகங்கை அரசு மகளிர் கல்லூரி மாணவிகள் இரண்டாமிடம் (Runner-up) பெற்றனர். பின்னர் நடைபெற்ற பரிசளிப்பு விழாவில் கல்லூரி முதல்வர் முனைவர் A. அப்பாஸ் மந்திரி அவர்கள் வரவேற்று பேசினார். கல்லூரி செயலர் ஹாஜி V.M. ஜபருல்லாஹ் கான், வாழ்த்துரை வழங்கினார். நிகழ்ச்சியின் சிறப்பு விருந்தினராக சென்னை, வணிகவரி துறை அலுவலத்தில் உதவி ஆணையாளராக பணியாற்றும் திரு. K. பாண்டியன் அவர்கள் கலந்துகொண்டு வெற்றி பெற்ற மாணவ-மாணவிகளுக்கு வெற்றிக் கோப்பைகளையும், பரிசுகளையும் வழங்கி சிறப்புரையாற்றினார். விளையாட்டு போட்டிகளை கல்லூரி உடற்கல்வி இயக்குனர் முனைவர் S. காளிதாசன் மற்றும் உடற்கல்வி ஆசிரியர்கள் திரு. K.M. காஜா நஜ்முதீன், திருமதி N. வெற்றி மற்றும் காரைக்குடி அழகப்பா பல்கலைக்கழக உடற்கல்வி இயக்குனர் முனைவர் R. செந்தில் குமரன் மற்றும் உடற்கல்வி ஆசிரியர் முனைவர் S. ஜெயவேல் ஆகியோர் ஒருங்கிணைத்தனர். இளையான்குடி ஸ்டார் முஸ்லீம் கால்பந்தாட்ட குழு உறுப்பினர்கள், பேராசிரியர்கள், அலுவலர்கள் மாணவ-மாணவிகள் கலந்துகொண்டனர்.